Diamond Platnumz aachia kionjo cha wimbo mpya “Holiday”
Mfalme wa Muziki wa Bongo, Diamond Platnumz 🦁, anaendelea kuonyesha ubora wake kwa kuachia nyimbo kali na zenye mvuto ndani ya muda mfupi. Kupitia ukurasa wake wa Instagram, alishiriki video fupi akiwa na mtayarishaji maarufu, S2kizzy, maarufu kama ZOMBIE, wakipiga mzigo ndani ya gari, na hivyo kutoa kionjo cha wimbo wake mpya.
Diamond aliwahi kudokeza kuwa atatoa wimbo mpya, jambo ambalo linaleta msisimko mkubwa kwa mashabiki wake, hasa baada ya mafanikio makubwa ya wimbo wake wa hivi karibuni, Komasava, ambao umefanikiwa kufika kwenye chati za kimataifa kama vile ‘Billboard US Afrobeats.’
Wimbo wake mpya unaitwa Holiday, na unatarajiwa rasmi kufika sokoni wakati huu wa msimu wa joto. Ni kipindi ambacho watu wengi huchukua likizo na kufurahia maisha, hivyo Diamond anawataka mashabiki wake kujiandaa kwa zawadi hii ya kipekee ambayo inaweza kutoka wakati wowote.
Huku Diamond akijiandaa na ngoma mpya, nyota mwenzake Ali Kiba, anayefahamika pia kama King Kiba, ameachia EP yake mpya iitwayo Starter. Hii inaashiria kwamba mashabiki wa Bongo Flava wanatarajia miezi ya burudani kali kutoka kwa wasanii hawa wawili maarufu!
Leave a Comment